拆騙局 私隱政策

最後更新：2026-10-31

「拆騙局」係一個防騙教育遊戲：你會喺虛構情境入面睇清楚騙徒點樣一步步收網，再學識點樣拆穿佢。所有人物、公司同平台都係虛構。本 App 唔涉及真錢，亦唔可以換取任何獎品。

資料儲存

• 遊戲進度、設定、答題同錯題紀錄、成就、每日一題連續日數，全部只儲存喺你部手機。我哋冇伺服器，亦唔會收集個人資料。
• 你喺劇本編輯器寫嘅劇本同草稿，同埋你匯入嘅劇本檔，都只係儲存喺手機。
• 家人挑戰嘅答案代碼（例如「ACB」）只喺手機度計分，唔會上傳。
• 移除 App 就會刪除晒所有資料。

可疑訊息檢查

• 你貼入嚟嘅訊息只喺手機本機分析，唔會上傳。
• 如果你撳結果入面某個網址或者電話，App 會將嗰一個網址或者電話傳去香港警務處「防騙視伏器」（cyberdefender.hk）查詢，並喺 App 入面顯示官方結果頁。唔撳就唔會傳送任何嘢。嗰個網站點樣處理資料，以佢自己嘅私隱政策為準。

讀出、分享同匯入

• 讀出對白：用手機內置嘅文字轉語音。
• 分享：只有你撳「分享」嗰陣，App 先會將內容交畀你揀嘅 App（例如 WhatsApp）；我哋唔會收到。
• 匯入劇本：只會讀取你自己揀嘅檔案，或者你貼入嚟嘅文字。

請開發者飲杯嘢同永久去廣告（應用程式內購買）

「支持開發者」頁可以自願透過 Google Play 內購畀小額支持，或者一次過買「永久去廣告」。付款由 Google Play 處理，我哋收唔到你嘅信用卡資料；飲杯嘢唔會解鎖任何功能，亦冇任何獎勵。買咗「永久去廣告」之後，App 只會喺手機記低「已購買」，之後唔再出廣告；換機用同一個 Google 帳戶撳「恢復購買」就得。

廣告

本 App 用 Google AdMob 顯示橫額廣告同插頁廣告，喺玩緊關卡、對話同限時題期間唔會出現；開咗長者模式就唔會出插頁廣告。AdMob 可能會收集裝置廣告 ID、由 IP 推算嘅大概位置、廣告互動同診斷數據，用嚟顯示同衡量廣告。詳情請睇 https://policies.google.com/technologies/ads。你可以喺手機「設定 › Google › 廣告」重設或者刪除廣告 ID。

為咗控制廣告，App 會讀取一個公開嘅遠端設定（Firebase），決定係咪顯示廣告同埋要唔要更新，過程唔會傳送任何用戶資料。App 亦會喺手機本機讀取首次安裝日期：喺設定日期之前已經安裝（例如測試期間）嘅手機唔會顯示廣告；呢個日期只喺手機入面用，唔會上傳。

年齡

本 App 嘅對象係 18 歲以上人士，唔係為兒童而設。

需要幫手？

如果懷疑你自己或者屋企人中咗伏，請即刻打「防騙易」熱線 18222；有緊急情況請打 999。

聯絡

如果對私隱有疑問，請電郵 bc.braydencheung@gmail.com。

Android 套件名稱：com.soren.scam_lab